Almaty oblysyndaǵy qoryqta brakoner elik atqan
TALDYQORǴAN. QazAqparat- Almaty oblysynyń qoryǵynda er adam zańsyz myltyqpen elik atqan, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe,
tabıǵatty qorǵaý polıtsııasynyń ınspektorlary Talǵar aýdanynyń memlekettik qoryǵynyń aýmaǵynda kezekti reıdtik is-shara ótkizý barysynda Almaty qalasynyń turǵynyn ustady. Brakoner atyp alǵan elikti birneshe bólikke bólip úlgergen. Odan túz janýarynyń eti men myltyq tárkilendi. Polıtsııa qyzmetkerleri kúdikti 1977 jylǵy almatylyqta atys qarýyn alyp júrýge, saqtaýǵa jáne paıdalanýǵa eshqandaı qujattardyń joqtyǵyn anyqtady.
Tártip saqshylary protsessýaldyq áreketke kirisip, zańsyz ań aýlaý deregin sotqa deıingi tergeýdiń biryńǵaı tizilimine tirkep, kúdiktini polıtsııa bólimine tekserý úshin jetkizdi. QR QK 337-baby 4-bóligi boıynsha sotqa deıingi tergeý amaldary júrgizilýde.
