Almaty oblysyndaǵy kolonııa býhgalterleriniń bıýdjet qarjysyn qymqyrǵany anyqtaldy
ASTANA. QazAqparat - Sybaılas jemqorlyqqa qarsy is-qımyl Ulttyq bıýrosynyń Almaty oblysy boıynsha departamenti oblystyq QAJD LA-155/8 RMK-niń eki býhgalteri N. Jaqyp jáne G.Saǵyndyqtyń zańsyz áreketterin áshkereledi. Bul týraly Ulttyq bıýronyń baspasóz qyzmeti habarlady.
N. Jaqyp jáne G.Saǵyndyqtyń aldyn ala kelisimmen kezdesýge arnalǵan bólmelerdi jalǵa alý úshin azamattar tólegen jalpy somasy 3 000 000 teńgeni quraıtyn qarajatty mekeme býhgalterııasynyń kirisine engizbeı qaltasyna basqany anyqtaldy.
Qazirgi tańda kúdiktiler kinálaryn moıyndady, keltirilgen zalal tolyq óteldi.
N. Jaqyp pen G.Saǵyndyqqa qatysty «kepildik tóleý» bultartpa sharasy taǵaıyndaldy.
