Almaty oblysyndaǵy kolledjder men JOO-daǵy jemqorlyq deńgeıi anyqtaldy
Sybaılas jemqorlyqty anyqtaý maqsatynda kolledjder men joǵary oqý oryndarynyń stýdentteri arasynda anonımdi saýalnama ádisimen zertteýler júrgizildi.
Áleýmettik saýalnamaǵa Almaty oblysynan barlyǵy 4290 stýdent qatysty. Saýalnama nátıjesi boıynsha sybaılas jemqorlyq degen ne, jáne onyń sebepteri qandaı degen suraqqa 99,3 paıyz stýdent jaýap berdi.
«Sonymen qatar, saýalnamaǵa qatysqan stýdentterdiń 35,1 paıyzy qarjylyq baqylaý, sybaılas jemqorlyqpen kúresýdiń eń tıimdi ádisi dep sanaıtynyn atap ótken. Stýdentterdiń 21,3 paıyzy bilim alyp jatqan oqý oryndarynda sybaılas jemqorlyq quqyq buzýshylyqtarynyń bar ekendigin belgiledi. Jemqorlyqtyń túrleri kóbine memlekettik emtıhandar ótkizgende bolatynyn stýdentterdiń 46,2 paıyzy rastady. Sybaılas jemqorlyq faktileri týraly habarlaýǵa daıynsyz ba, degen suraqqa respondentterdiń 30,6 paıyzy «ıá» dep jaýap berdi. Sondaı-aq, stýdentterdiń 25,3 paıyzy tek jasyryn túrde habarlaýǵa daıyn ekendigin bildirdi», - delingen Almaty oblysy boıynsha sybaılas jemqorlyqqa qarsy is-qımyl departamenttiń baspasóz qyzmeti taratqan habarlamada.
Jalpy alǵanda, Almaty oblysynyń bilim berý uıymdarynda sybaılas jemqorlyqqa qarsy kúres boıynsha jumys oń úrdisterge ıe ekendigi kórsetilgen, biraq sybaılas jemqorlyqqa qarsy bilim berý baǵdarlamalaryn odan ári jetildirý jáne oqýshylar arasynda sybaılas jemqorlyqqa qarsy mádenıetti qalyptastyrý boıynsha jumysty kúsheıtý qajettiligi bar.