Almaty oblysyndaǵy Kóktýma jáne Dostyq aýyldary arasynda kólik qatynasy jandandy
ASTANA. 31 qańtar. QazAqparat - Keshe, 30 qańtarda saǵat 18.00-den bastap Almaty oblysyndaǵy «Úsharal - Dostyq» avtojolynyń budan buryn jabyq dep jarııalanǵan «Kóktýma - Dostyq» ýchaskesinde (83-168 km) kólikterge jol júrýge ruqsat etildi.
Bul jóninde QR Kólik jáne kommýnıkatsııa mınıstrliginen habarlady.
Aýa raıynyń qolaısyzdyǵy saldarynan elimizdiń ózge aımaqtarynda da jol jabylyp, kólik qatynasyna tyıym salyndy. Shyǵys Qazaqstan oblysyndaǵy «Qaljyr - Terekti» avtojolynyń «Boran - Terekti» ýchaskesinde (22-124 km) 30 qańtarda saǵat 20.30-dan bastap kólikterdiń barlyq túrine jol júrýge tyıym salynyp, jol qatynasy toqtatyldy. Joldyń bul ýchaskesinde qar tazartý jumystaryn júrgizý úshin tazartqysh tehnıkanyń 4 danasy tartylǵan.
Keleńsiz oqıǵalardyń aldyn alý maqsatymen QR Kólik jáne kommýnıkatsııa mınıstrligi gıdrometeorologııalyq qyzmetiniń habarlamalaryna nazar salyp, saqtyq sharalaryna mán berý qajettiligin aıryqsha aıtady.
QR Kólik jáne kommýnıkatsııa mınıstrliginiń «Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý qyzmetin táýlik boıy júzege asyratyn arnaıy dıspetcherlik qyzmet bar.
