Almaty oblysyndaǵy kásiporyndardyń 40 paıyzyn áıelder basqarady
TALDYQORǴAN.QazAqparat - Taldyqorǵandaǵy «Jastar» parkinde isker áıelderdiń saıabaǵy paıda boldy. Búgin 20 sotyq alańǵa kásipkerler alǵashqy kóshetterin otyrǵyzdy. Aldaǵy ýaqytta olar kórkeıtý jumystaryn qolǵa almaq, dep habarlaıdy QazAqparat tilshisi.
Almaty oblystyq Іsker áıelder keńesiniń bastamasymen ashylǵan jasyl alań qalalyq ákimdik tarapynan qoldaý tapty. Keńes jetekshisi Rımma Salyqovanyń aıtýynsha, bul jerge landshaft dızaınerleri shaqyrtylyp, kórkeıtý jumystary júrgiziledi.
Aıta ketý kerek, Óńirlik kásipkerler palatasy janyndaǵy Іsker áıelder keńesine 200-den asa adam múshe. Jalpy Almaty oblysynda kásiporyndardyń 42%-in áıelder basqarady.
