Almaty oblysyndaǵy kartıng ortalyǵynda mert bolǵan balanyń ólimine kúdikti ustaldy

TALDYQORǴAN. QazAqparat - Almaty oblysyndaǵy kartıng ortalyǵynda mert bolǵan balanyń ólimine qatysty kúdikti anyqtaldy, - dep habarlaıdy QazAqparat tilshisi.

Kúdikti retinde osy ortalyqtyń dırektory ustaldy.

«Іle aýdany aýmaǵynda ornalasqan kartıng ortalyǵynda oryn alǵan 10 jastaǵy balanyń ólimine qatysty QK 306-baby 3-bóligi (qaýipsizdik talaptaryna jaýap bermeıtin, abaısyzda adam ólimine ákep soqqan qyzmetter kórsetý) boıynsha polıtsııa basqarmasy sotqa deıingi tergeýdi bastady. Qylmystyq is materıaldarynda kúdikti retinde kartıng ortalyǵynyń 41 jastaǵy dırektory tanyldy. Іstiń mán-jaıyn anyqtaý úshin birqatar qajetti saraptamalar taǵaıyndaldy jáne baqylaýǵa alyndy», - delingen Almaty oblystyq polıtsııa departamenti baspasóz qyzmetiniń habarlamasynda.

Eske sala keteıik, buǵan deıin Almaty oblysynda 10 jastaǵy bala kart tebemin dep mert bolǵanyn jazǵanbyz.