Almaty oblysyndaǵy ındýstrıaldyq aımaqta elektr qýaty tapshy
TALDYQORǴAN.QazAqparat - Almaty oblysynyń Іle aýdanynda ornalasqan «Boraldaı» ındýstrıaldy aımaǵynda jaryq máselesi ózekti. Bul jóninde Almaty oblystyq Kásipkerler palatasynyń dırektory Narıman Ábilshaıyqov atalǵan aýdannyń kásipkerlerimen kezdesý barysynda málim etti, dep habarlaıdy QazAqparat tilshisi.
««Boraldaı» ındýstrıaldy aımaǵynda bes óndiristik kásiporynnyń qurylysy júrip jatyr jáne 10 mlrd teńgeden astam qomaqty qarjyǵa taǵy úsh kásiporynnyń qurylysy josparlanǵan. Olardyń bir bóligine sheteldik ınvestıtsııa tartylǵan, 400-den astam jumys ornyn qurý josparlanyp otyr. Alaıda, kúni búginge deıin «Boraldaı» aımaǵynda elektrmen jabdyqtaý ózekti bolyp tur. Osy suraqty sheshý maqsatynda QR Investıtsııalyq damý mınıstrligi jáne jergilikti atqarýshy organdarmen kezdesý ótkizý týraly bastama kóterdik», - dedi oblystyq kásipkerlik palatasynyń dırektory N. Baqtybaıuly.
Atalǵan mekemeniń baspasóz qyzmetiniń málimetinshe, «Boraldaı» ındýstrıaldy aımaǵynda jaryq júıesi tartylǵan. Biraq bar degen aty bolmasa, qýaty tym az.
