Almaty oblysyndaǵy Esik qalasyna tabıǵı gaz tartyldy
TALDYQORǴAN.QazAqparat - Almaty oblysynda kópten kútken kógildir otyn Eńbekshiqazaq aýdanyna jetkizilip, avtomatty gaz bólý stantsııasyn iske qosý saltanaty ótti, dep habarlaıdy QazAqparat tilshisi.
Tarıhı sátke kýá bolǵan turǵyndardy oblys ákiminiń orynbasary Aıdarbek Baıjanov quttyqtady.
Eńbekshiqazaq aýdanyn gazdandyrý jobasyn júzege asyrý aýdan ortalyǵy Esik qalasynan bastaldy. Joba quny 4,2 mlrd teńgeni quraıdy. AGTS qýattylyǵy - saǵatyna 50 myń tekshe metr, bul óz kezeginde 109 kóp qabatty úıdi, 5979 jeke úılerdi, 3880 áleýmettik-turmystyq sektor nysandaryn, 4 ónerkásip ornyn kógildir otynmen qamtýǵa múmkindik beredi.
Esik qalasyndaǵy abonentterdiń jalpy sany - 12781 birlik. Jýyq arada Shelek qalasynda AGTS iske qosylady dep josparlanyp otyr.
