Almaty oblysyndaǵy elektr energııasynyń joǵary tarıfi jurtshylyqtyń turmysyna úlken áser etip otyr - S. Toqpaqbaev
;ASTANA. Naýryzdyń 3-i. QazAqparat /Qanat Mámetqazyuly/ - Almaty oblysynda elektr energııasy baǵasyna respýblıka boıynsha eń joǵary tarıf engizilip otyr. Bunyń ózi óńirdegi ónimniń básekege qabilettigi men jurtshylyqtyń turmysyna úlken áser etip otyr. Búgin QR Parlamenti Májilisiniń jalpy otyrysynda QR Premer-Mınıstriniń atyna saýal joldaǵan depýtat Sát Toqpaqbaev osylaı málim etti,
dep habarlaıdy QazAqparat.
«Almaty qalasy men Almaty oblysynda engizilgen elektr energııasynyń tarıfteri óte joǵary bolyp otyr. Máselen, 2010 jylǵy qańtardyń 5-inen keıingi kóterilgen tarıf boıynsha eseptesek, elektr energııasyn turmystyq qoldaný úshin 1 kVt-saǵatqa -11,38 teńge belgilengen. Bul respýblıka boıynsha eń joǵary kórsetkish ári respýblıkalyq ortasha tarıften 1,4 ese artyq bolyp otyr. Bunymen qosa, Almaty oblysy aýmaǵy boıynsha «KEGOC» AQ elektr energııa tasymaldaý jelilerine de eń joǵary tarıf engizilipti. Osynyń barlyǵy jınaqtalyp kelip, óńirde shyǵarylǵan ónimniń básekege qabilettiligine de, oblys aýmaǵyndaǵy jurtshylyqtyń ómir súrý deńgeıine de áser etip otyr», dedi Sát Toqpaqbaev. Onyń aıtýynsha, Tabıǵı monopolııalardy retteý agenttigi men Energetıka jáne mıneraldyq resýrstar mınıstrligi bul máseleni sheshý úshin naqty tetikteri bar, biraq bular júzege aspaı otyr.
«Almaty oblysyndaǵy 1,7 mln. halyqtyń 70 paıyzy tabysy tómen bolatyn aýyldy jerlerde turatynyn eskersek, tarıftik ádil baǵany qalyptastyrý ózekti másele retinde qaralýy shart, ári bul jedel oryndalýy tıis», dedi depýtat.
