Almaty oblysyndaǵy blokpostta polıtseılerge para usynǵan er adam ustaldy
TALDYQORǴAN. QazAqparat - Almaty oblysynyń tártip saqshylaryna para usynýdyń taǵy bir deregi áshkere boldy. Er adam blokpostta qyzmet etip turǵan polıtseıge 3000 teńge para usyndy degen kúdikpen ustaldy, dep habarlaıdy QazAqparat tilshisi.
«Kúdikti polıtsııa qyzmetkerine para berý arqyly blokposttan kedergisiz Almaty qalasyna ótip ketýdi josparlaǵan. Aldyn ala tergeý barysynda ustalǵan azamat polıtseılerge birneshe ret para usynǵany jáne tártip saqshylarynyń eskertýlerine mán bermegeni anyqtaldy. Osyǵan oraı, polıtsııa qyzmetkeri jedel topty oqıǵa ornyna shaqyrǵan»,- dedi Almaty oblysy ÓQB bastyǵy polıtsııa polkovnıgi Áset Karmenov.
Tekserý barysynda úsh myń teńge kóleminde qarjy tabylyp, tárkilendi. Kúdiktige qatysty QR Qylmystyq kodeksiniń 367-babynyń 1-tarmaǵyna sáıkes para berý deregi boıynsha qylmystyq is qozǵaldy.
