Almaty oblysyndaǵy blokpostta mas júrgizýshi polıtseıge qol jumsap, kıimin jyrtty
TALDYQORǴAN. QazAqparat - Almaty oblysyndaǵy blokpostta polıtseıge qarsy shabýyldaǵan mas júrgizýshi ustalyp, ýaqytsha ustaý abaqtysyna oqshaýlandy,- dep habarlaıdy QazAqparat tilshisi.
Oǵan Qazaqstan Respýblıkasynyń Qylmystyq jáne Ákimshilik kodeksteriniń birqatar baby boıynsha jaza qoldanylady. «17 sáýirde túnde «Qaskeleń - Shamalǵan» avtojolyndaǵy «Alma-8» blokpsotynda tártip saqshylary «ZAZ ShANS» kóligin toqtatqan. Kólik tizgindegen 27 jastaǵy Shamalǵan aýylynyń turǵyny polıtseılerdiń toqtatqanyna rıza bolmaı, soqqy jumsaǵan. Tártip saqshysy dene jaraqatyn alǵan jáne qyzmettik kıimi jyrtylǵan. Buzaqy júrgizýshini jónge keltirgen tártip saqshylary oǵan arnaıy quraldardy paıdalanýǵa májbúr boldy. Turǵyn medıtsınalyq mekemege jetkizildi. Medınıtsalyq saraptanyń qorytyndysy onyń orta dárejede mas ekenin dáleldegen», - dedi Almaty oblysy Qarasaı aýdandyq Polıtsııa basqarmasynyń bastyǵy polıtsııa polkovnıgi Ashat Danııar.
Aıta keteıik, zań buzýshynyń qolynan Qarasaı aýdandyq PB krımınalıstıka bóliminiń bastyǵy polıtsııa podpolkovıgi Aıdos Baıǵazıev zardap shekti. Podkolkovnık birqatar dene jaraqattaryn alǵan.
Atalǵan oqıǵa boıynsha QR Qylmystyq kodeksiniń 380-babynyń 1-tarmaǵyna sáıkes bılik ókiline kúsh qoldaný deregi boıynsha sotqa deıingi tergeý amaldary júrgizilýde. Kúdikti ýaqytsha ustaý oqshaýlaǵyshyna qamaqqa alyndy. Sonymen qatar, ustalǵan azamat QR Qylmystyq kodeksiniń 379-babyna sáıkes tótenshe jaǵdaı jarııalanǵan jerde nemese terrorızmge qarsy operatsııa júrgizý aımaǵynda jasalǵan, bılik ókiliniń zańdy talabyna baǵynbaý jáne QR ÁQbK 608-baby, ıaǵnı júrgizýshiniń kólik quralyn masań kúıde basqarýy derekteri úshin zań aldynda jaýap beretin bolady.
