Almaty oblysyndaǵy bir aýdanda 6 ýchaskelik polıtsııa pýnkti ashyldy
TALDYQORǴAN. QazAqparat - Almaty oblysynyń Alakól aýdanynda Tuńǵysh Prezıdent kúni qarsańynda 6 birdeı ýchaskelik polıtsııa pýnkti ashyldy, dep habarlaıdy QazAqparat tilshisi.
Aqjar, Eńbekshi, Sapaq, Kóktuma, Aqshı aýyldarynda polıtseılik pýnkt paıdalanýǵa berildi. Jańadan boı kótergen ǵımaratta qyzmettik oryn ǵana emes, 3 bólmeli turǵyn úıi de qarastyrylǵan. Bul bastama eldi mekenderdegi turǵyndar tynyshtyǵyn tolyqtaı qamtamyz etip, qylmystyń aldyn alý maqsatynda jasalýda. Máselen bir ǵana Alakóldiń jaǵasyndaǵy Aqshı aýylynyń 600-den asa turǵyny bar. Oǵan qosa jyl saıyn bul jerge myńdaǵan týrıst demalýǵa keledi. Basyna is túsip, aryz aıta kelgen jurt buryndary aýdan ortalyǵyna sabylatyn. Endi, aýyl turǵyndary polıtsııa ýchaskesiniń qyzmetine kúndiz-túni júgine alady. Jalpy jyl basynan beri aýdanda 430-dan asa qylmystyq is tirkelgen.
Aıta ketý kerek, jergilikti jerlerdegi ýchaskelik polıtsııa bólimshesin baspanamen qatar ashý ázirge Almaty oblysynda ǵana júzege asyrylyp keledi. Oǵan óńir qazynasynan 1 mlrd asa qarajat bólingen.
