Almaty oblysyndaǵy Besaǵash aýylynda turǵyn úı kesheni órtendi
ALMATY. QazAqparat - Almaty oblysy Talǵar aýdany Besaǵash aýylyndaǵy Nurııa» turǵyn úı kesheninen órt shyqty, dep habarlaıdy QazAqparat tilshisi.
Qyzyl jalynǵa oranǵan kópqabatty úıdiń vıdeosy áleýmettik jelide paıda boldy.
«12 qańtar kúni keshki saǵat 17:57-de Almaty oblysynyń «101» pýltine Talǵar aýdany, Besaǵash aýyly «Dýman» shaǵynaýdanyndaǵy «Nurııa» turǵyn úı kesheninen órt shyqqany týraly habarlama tústi. Oqıǵa ornyna Almaty oblysynyń TJD jeke quramynyń 16 mamany men 6 órt sóndirý tehnıkasy jáne Almaty qalasynyń TJD 10 qyzmetkeri men 2 tehnıkasy attandy», - dep habarlady Almaty oblystyq Tóteshe jaǵdaılar departamentinen.
Vedomstvo málimetinshe, tótenshe jaǵdaı qyzmetkerleri oqıǵa ornyna jetkenshe órt tolyqtaı sóndirilgen. Belgili bolǵanyndaı jańadan salynǵan turǵyn úı kesheniniń syrtqy qabaty órtengen. Bul úıde eshkim turmaıdy.
Zardap shekkender joq.
