Almaty oblysyndaǵy bazarda 43 konteıner janyp ketti
TALDYQORǴAN. QazAqparat - Almaty oblysy Túımebaev aýylyndaǵy «Aşybulaq» qurylys bazarynda órt oqıǵasy tirkeldi, dep habarlaıdy QazAqparat tilshisi QR ІІM TJK resmı ókili Nursultan Nurahmetovke silteme jasap.
Tilsiz jaý týraly habarlama órt sóndirý qyzmetine 4 jeltoqsan kúni saǵat 04:43 shamasynda túsken. Jalpy aýmaǵy 1400 sharshy metr bolatyn qurylys materıaldary jıylǵan 43 konteınerdiń órtengeni belgili bolyp otyr. Órttiń órshýi 07:30 kezinde shektelip, 08:38-ge qaraı óshirilgen. Zardap shekkender men jaraqat alǵandar joq.
«Órt sóndirý jumystaryna Almaty oblysy TJD jeke quramynan 26 adam men 7 arnaıy tehnıka jumyldyryldy. Odan bólek, tilsiz jaýdy aýyzdyqtaýǵa jeke quramnan 6 adam men eki arnaıy órt sóndirý tehnıkasy atsalysty. Órttiń shyǵý sebebin anyqtaý úshin Taldyqorǵan qalasyndaǵy órt jaǵdaılaryn zertteý laboratorııasy jiberildi», - delingen habarlamada.
