Almaty oblysyndaǵy balabaqshada tárbıeshiden týberkýlez anyqtalýyna baılanysty tekserý bastaldy
ASTANA. QazAqparat - Qazaqstan Respýblıkasy Densaýlyq saqtaý mınıstrligi Qoǵamdyq densaýlyqty qorǵaý komıteti Almaty oblysy boıynsha departamentiniń mamandary Іle aýdanyndaǵy Jańa-Qýat aýylynda mektepke deıingi bilim berý mekemesinde áıel adamnan týberkýlez aýrýynyń anyqtalýy jaǵdaıynyń tirkelýine baılanysty tekserýdi bastady, dep habarlaıdy vedomstvonyń baspasóz qyzmeti.
Qazirgi ýaqytta naýqastyń turǵylyqty jeri boıynsha jáne balabaqshada aýrý oshaǵyna epıdemıologııalyq tekserý júrgizilýde.
Jumys orny boıynsha 368 azamattyń qarym-qatynasta bolǵany anyqtaldy, onyń ishinde 38-i balabaqsha qyzmetkeri jáne 330-y balalar. Balabaqshanyń barlyq qyzmetkerleri flıýorografııalyq tekserýden ótti, aýrý anyqtalǵan joq. Búgingi kúnnen bastap mamandar balalarǵa Mantý synamasyn jasaý arqyly (zertteý nátıjeleri 72 saǵattan keıin) tekserýge kiristi. Aýrý oshaǵynda qorytyndy dezınfektsııalaý uıymdastyryldy.
Turǵylyqty jeri boıynsha 7 adam tekserýden ótedi, onyń 3-eýi - bala.
Sondaı-aq, barlyq múddeli qyzmetter men vedomstvolarǵa tıisti sharalar qabyldaý úshin habar berildi.
Aýrý oshaǵynda jumystar jalǵasýda.
