Almaty oblysyndaǵy áıelder kolonııasynda koronavırýs anyqtaldy

Sottalǵan áıeldiń aıaǵy aýyr bolǵan dep habarlaıdy QazAqparat tilshisi QR ІІM Qylmystyq-atqarý júıesi komıtetiniń baspasóz qyzmetine silteme jasap.

Infektsııa anyqtalǵanǵa deıin jazasyn óteýshi túzetý mekemesiniń medıtsınalyq bóliminde ózge de naýqastardan oqshaýlanǵan bolatyn. Azamatshanyń dene qyzýy, jótel jáne basqa da koronavırýsqa tán belgileri baıqalmaǵan. Bosanýǵa daıyndalyp júrip sottalýshy eki ret Іle aýdandyq ortalyq aýrýhanasyna barǵany anyqtaldy.

Qazirgi tańda sottalýshymen qarym-qatynasta bolǵan adamdardyń tizimi jasalyp, ınfektsııalyq ızolıatorǵa jatqyzyldy. Kolonııa qyzmetkerleri men basqa da sottalǵandar koronavırýsqa tekserilip jatyr. Túzetý mekemesi dezınfektsııalanyp, zalalsyzdanyrýda dep atap ótti vedomstvonyń baspasóz qyzmetinde.