Almaty oblysyndaǵy apat: kólik ekige bólinip ketti, bir adam mert boldy

TALDYQORǴAN. QazAqparat - Almaty oblysynda úsh kólik soqtyǵysyp, bir adam mert boldy. Oqys oqıǵa Almaty-Kókpek-Kóktal jolynda bolǵan, dep habarlaıdy QazAqparat tilshisi.

«Óte qorqynyshty. Myna kóliktiń qalǵany osy. Aldyńǵy bóligi mine jatyr»,- dedi beınejazbaǵa túsirgen avtor.

Almaty oblystyq Polıtsııa departamenti baspasóz qyzmetiniń málimetinshe, keleńsiz jaǵdaı keshe keshki saǵat 17:30 shamasynda bolǵan.

«Eńbekshiqazaq aýdanynda 20 jastaǵy Mersedes Benz kóliginiń júrgizýshisi Almaty-Kókpek-Kóktal tas jolynyń 39 shaqyrymynda rýlge ıe bola almaı, qarsy baǵytqa shyǵyp ketken. Saldarynan Audi C4 jáne Toyota Camry kólikterine soǵylǵan. Mersedes Benz kóliginiń júrgizýshisi oqıǵa ornynda mert boldy. Taǵy eki adam túrli dene jaraqatymen aýrýhanaǵa tústi. Qazir atalǵan fakti boıynsha QK 345 baby 3-i bóligine sáıkes sotqa deıingi tergeý bastaldy»,- delingen vedomstvonyń habarlamasynda.