Almaty oblysyndaǵy 5 adamnyń ólimi: marqumdar neden ýlanǵany aıtyldy

ASTANA. QazAqparat - Almaty oblysynda bir otbasynyń 5 adamyn jalmaǵan ýly zat kómirtegi totyǵy bolýy múmkin, dep habarlaıdy QazAqparat Polıtsııa departamentine silteme jasap.

»4 mamyr kúni saǵat 16:00 shamasynda Qarasaı aýdanynyń Polıtsııa bólimine Kólaşy aýylynda 6 adam belgisiz zattan ýlanǵany týraly habarlama kelip tústi. Oqıǵa saldarynan 1984 jylǵy er adam jáne 2008, 2010, 2013 jáne 2018 jylǵy tórt bala qaıtys boldy. 1985 jylǵy áıel Shamalǵan aýylyndaǵy aýrýhanaǵa jatqyzyldy.
Atalǵan derek dereý aýdandyq polıtsııada tirkeldi. Bolǵan oqıǵanyń barlyq mán-jaıyn anyqtaý úshin sot-medıtsınalyq saraptama taǵaıyndalyp, barlyq qajetti tergeý áreketteri júrgizilip jatyr» delingen habarlamada.
Aıta keteıik, tergeýdiń tolyqtyǵy úshin Almaty oblysynyń TJD zertteý synaq órt zerthanasy, Gaz qyzmeti jáne SEQ shaqyryldy.
Túpkilikti sheshim taǵaıyndalǵan saraptamalyq tekserýlerdiń nátıjeleri boıynsha qabyldanady.

Aldyn ala málimetter boıynsha, zardap shekkender kómirtegi totyǵymen ýlanǵan.Aıta keteıik, buǵan deıin belgisiz zattan 6 adamnan turatyn bir otbasy ýlanyp, onyń beseýi kóz jumǵanyn jazǵan edik.