Almaty oblysynda Zınýr Hamıtovti óltirdi degen kúdikpen 4 adam ustaldy
TALDYQORǴAN. QazAqparat - Almaty oblysynyń polıtseıleri Zınýr Hamıtovti uryp óltirdi degen kúdikpen 4 adamdy qamaýǵa aldy. Marqumnyń anasy 23 tamyzdan beri balasynyń habarsyz ketkenin aıtyp polıtsııaǵa shaǵymdanǵan bolatyn, dep habarlaıdy QazAqparat tilshisi.
Almaty qalasynyń turǵyny balasy Almaty oblysynyń Talǵar aýdanyndaǵy tanysyna ketip, sol kúıi oralmaǵanyn aıtqan. Kelesi kúni Talǵardaǵy saıajaılardyń birinde uryp-soǵyp óltirilgen er adamnyń denesi tabylady. Anyqtaı kele marqumnyń joǵalǵan Z. Hamıtov ekeni rastaldy.
«Talǵar aýdandyq ІІB jáne oblystyq krımınaldy polıtsııa basqarmasynyń qyzmetkerleri kúdiktilerdi tez anyqtady. Olar 1994-1998 jylǵy 4 jigit bolyp shyqty. Ustalǵan kúdiktiler tergeý barysynda kinálaryn moıyndap, ýaqytsha ustaý ızolıatoryna qamaýǵa alyndy. Jáne aıǵaq zattar da tabyldy», - dep málimdedi oblystyq ІІD baspasóz qyzmeti.
Qazirgi tańda QR QK-niń 99-baby, 2- bóligine sáıkes sot aldy tergeý jumystary bastaldy. Atalǵan vedomstva habarlaǵandaı, qoǵamnyń nazaryn aýdarǵan is Almaty oblystyq ІІD tergeý basqarmasynyń qatań baqylaýyna alyndy.
