Almaty oblysynda jylytý maýsymy ýaqytynan buryn bastaldy
TALDYQORǴAN. QazAqparat – Aýa raıynyń sýytýyna baılanysty Almaty oblysynda jylytý maýsymy belgilengen merzimnen erterek bastalatyn boldy, dep habarlaıdy QazAqparat tilshisi.
Oblystyq energetıka jáne turǵyn úı-kommýnaldyq sharýashylyq basqarmasynyń málimeti boıynsha, Taldyqorǵan qalasynyń jylý júıeleri men jelileri jylytý maýsymyna 100% daıyn.
Jylý birinshi kezekte áleýmettik nysandarǵa beriledi. Balabaqshalar, mektepter men densaýlyq saqtaý mekemelerine jylý 30 qyrkúıekten bastap qosyldy. Búgin osy atalǵan jumystar tolyǵymen aıaqtalýy tıis. Al, turǵyn úılerge jylý erteńnen bastap beriledi.
Jalpy Taldyqorǵanda ortalyq jylytý júıesine qosylǵan 82 bıýdjettik mekeme jáne 753 kópqabatty turǵyn úı bar. Oblys boıynsha bıylǵy jylytý maýsymyna daıyndyq jumystaryna bıýdjetten 15,9 mlrd teńge qarastyrylǵan.
Esterińizge salar bolsaq, Almaty oblysynda jylytý maýsymy jyl saıyn 15 qazannan bastalatyn.
