Almaty oblysynda jylyna 1,2 mln tonna qaldyq jınaqtalady
Kezdesýde Astana qalasynyń əkimi Əset Isekeshev sóz alyp, búgingi kúni turǵyndarynyń sany 1 mıllıonnan asqan bas qala úshin atalmysh kelisimniń mańyzy zor ekenin atap ótti. Sol sııaqty Energetıka vıtse-mınıstri Baqytjan Jaqsalıev te əriptestik baılanystardyń ózektiligin tilge tıek etti.
Osy basqosýda Almaty oblysynyń əkimi Amandyq Batalov óńirdegi qoqysty jınaý men óńdeý jaǵdaıy, aldaǵy josparlar jaıyna toqtaldy.
«Almaty oblysy halqynyń sany 2 mıllıonǵa jetti. Oǵan qosa oblys Almatydaı úlken megapolıspen irgeles ornalasqan. Sondyqtan qaldyqtardy jınaý, suryptaý, tasymaldaý, óńdeý isin jolǵa qoıý - biz úshin asa qajet shara. Biz «Almaty oblysynda qaldyqtardy basqarýdyń aımaqtyq júıesiniń» TEN-in əzirledik. Onda memlekettik-jekemenshik seriktestik mehanızmin qoldaný arqyly 14 aımaqtyq keshenderdiń biryńǵaı operatoryn qurý qarastyrylady. Atap aıtqanda, sonyń aıasynda 16 qoqys suryptaý kesheni, 13 qoqys tıeý stantsııasy, 16 polıgon, 3 qoqys óńdeý zaýytynyń qurylysy júzege asyrylýy tıis. Osynyń nətıjesinde 500 jumys orny qurylyp, 2025 jylǵa qaraı turǵyndar turmystyq qatty qaldyqtar shyǵarýdy uıymdastyrýmen 100 % qamtylady dep josparlanyp otyr. Oǵan qosa bul qaldyq joıýdy arttyryp, polıgondar sanyn azaıtýǵa yqpal etetin bolady. Osy jobany qaldyqtardy joıý jónindegi bizdiń óńirdegi birlesken pılottyq joba retinde qarastyrýdy usynamyn jəne qol jetkizgen nətıjege səıkes jobany elimiz boıynsha taratýǵa bolady dep esepteımin», - degen A. Batalov sóziniń sońynda osy kezdesýdi uıymdastyrýǵa uıytqy bolǵan QR Energetıka mınıstrligine rızashylyǵyn bildirdi.
Jalpy «Operator ROP» JShS-nyń qoqys óńdeý salasyndaǵy əriptestik baılanysqa Astanamen qatar Almaty aglomeratsııasy aýmaǵyndaǵy aýqymdy oblysty tartýyna Parlament Senatynyń usynysy, sonymen qatar jyl saıyn jınaqtalatyn qoqys kóleminiń artýy yqpal etken.
«Operator ROP» JShS-nyń Bas dırektory Svetlana Korotenkonyń aıtýynsha, yntymaqtastyq negizinde qaldyqtardy basqarýdyń óńirlik júıesin qurý men ony odan ári damytý, jeke jáne zańdy tulǵalardan turmystyq qatty qaldyqtardy jeke jınaqtaýdy engizý, turmystyq qatty qaldyqtardy shyǵarýǵa shaqyrýdy júzege asyratyn kólik quraldarynyń qozǵalysyn spýtnıktik navıgatsııalyq júıelerdiń málimeti boıynsha baqylap otyrýdyń aqparattyq júıesin uıymdastyrý jáne júrgizý qolǵa alynbaq. Oǵan qosa taraptar aldaǵy ýaqytta memlekettik-jekeshelik seriktestikti damytý sheńberindegi kelisimderdi qarastyratyn bolady.
Jalpy Almaty oblysynda jylyna 1,2 mln tonna qaldyq jınaqtalady. Sonyń 640 myń tonnasy oblys aýmaǵyna Almaty qalasynan shyǵarylady. Oblystaǵy eldi mekenderdiń turmystyq qaldyqtardy shyǵarýmen qamtylý kórsetkishi 67%, al qalalar men iri eldi mekenderdiń qamtylýy 100%.
