Almaty oblysynda jylan shaqqan 9 jasar bala aýrýhanada qaıtys boldy
Almaty oblystyq densaýlyq saqtaý basqarmasynyń málimetinshe, 27 maýsym kúni túski saǵat 13.35-te Kegen aýdandyq aýrýhanasynyń qabyldaý bólimine 9 jasar bala jylan shaǵý dıagnozymen óte aýyr halde túsken.
Balaǵa jansaqtaý bóliminde dezıntoksıkatsııalyq em jasalyp, shema boıynsha eki rettik jylan ýyna qarsy sarysý egildi.
Naýqas aýrýhanaǵa túsken ýaqyttan bastap densaýlyq saqtaý basqarmasynyń tikeleı baqylaýynda bolǵan.
Almaty oblystyq balalar klınıkalyq aýrýhanasynyń dárigerlerimen jáne Almaty qalasynyń toksıkolog dárigeriniń qatysýymen konsılıým ótkizilip, onlaın keńes aldy.
Almaty qalasynyń № 1 qalalyq balalarǵa shuǵyl medıtsınalyq kómek kórsetý ortalyǵynyń toksıkolog jáne reanımatolog dárigerleri arnaıy aýdandyq aýrýhanaǵa kelip, emdik sharalar kelisilgen.
Sonymen qatar, respýblıkalyq dengeıdegi anestezıolog-reanımatolog, toksıkolog dárigerlerimen konsılıým ótkizildi.
«Jansaqtaý bóliminde naýqasqa klınıkalyq hattamaǵa saı em-dom tolyq jasaldy. Biraq, ıntensıvti reanımatsııalyq kómektiń der kezinde kórsetilgenine qaramastan 29 maýsymda bıologııalyq ólim tirkeldi»,- dep habarlady oblystyq densaýlyq saqtaý basqarmasynyń baspasóz qyzmetinen.
