Almaty oblysynda jyl saıyn 12 myń adam óz erkimen qan tapsyrady
TALDYQORǴAN. QazAqparat - Almaty oblystyq qan ortalyǵynda 8,5 myń lıtr qan qory bar, dep habarlaıdy QazAqparat tilshisi.
Jyl saıyn 12 myń adam óz erkimen qan tapsyryp turady. Alaıda 2 mln turǵyny bar óńir úshin bul jetińkiremeıdi, - deıdi oblystyq qan ortalyǵynyń dırektory Núsipjan Isaev.
Ózi basqaryp otyrǵan ortalyq ujymy 14 maýsym búkilálemdik donor kúnine arnaıy aktsııa uıymdastyrdy. Bıylǵy sharanyń basty urany «Tótenshe jaǵdaılardaǵy donorlyq». Sebebi tabıǵı jáne tehnogendi apattar men tótenshe oqıǵalardan keıin adamdarǵa qan asa kóp mólsherde qajet bolady. Aktsııa aıasynda uzaq jyldar boıy turaqty túrde qan tapsyryp júrgen donorlar marapattaldy. Aýqymdy sharaǵa Tótenshe jaǵdaılar departamenti, memlekettik qyzmet agenttiginiń oblystyq departamenti, densaýlyq saqtaý basqarmasy jáne qalalyq ákimdik mamandary qatysty.
Jalpy tarıhqa kóz júgirtetin bolsaq, adamǵa alǵash qozynyń qany quıylǵan eken. Ony Jan Batıst Denı esimdi dáriger 1663 jyly tájirıbe qoldanǵan. Al, adamnan adamǵa alǵash qan quıý protsesi 1832 jyly Reseıde júrgizildi.
