Almaty oblysynda jyl basynan beri 9 adam sýǵa ketti
TALDYQORǴAN. QazAqparat - Almaty oblysynda jyl basynan beri 9 adam sýǵa ketip, kóz jumdy. Onyń tórteýi - balalar, dep habarlaıdy QazAqparat tilshisi.
Qaıǵyly jaǵdaılar kóbine qutqarýshylary joq, shomylýǵa jaǵdaıy qarastyrylmaǵan ózen-kólderde bolǵan. Osyǵan baılanysty Almaty oblystyq TJD qyzmetkerleri Taldyqorǵanda «Sýda abaı bolyńyz! Balalardy qaraýsyz qaldyrmańyz!» aktsııasyn ótkizip, turǵyndarmen túsinikteme jumystaryn júrgizdi.
"Kórip turǵandaryńyzdaı jasóspirimder, balalar sýǵa shomylyp jatyr. Surasam 6, 9, 13 jastaǵylar, úlkenderdiń qaraýynsyz júr. Balalar batyp ketýi múmkin. Qaıǵyly jaǵdaı bolmas úshin olardy sýǵa túsýge úlkenderdiń qaraýynsyz jibermeýlerińizdi suraımyz", - deıdi oblystyq TJD jedel qutqarý qyzmetiniń bas qutqarýshysy Syrym Daıyrbaev.
Mamandardyń aıtýynsha, sýda bolatyn ólim jaǵdaılarynyń 70% alkogoldi ishimdik sebep. Sondaı-aq qaıǵyly oqıǵalardyń 98 % arnaıy jabdyqtalmaǵan nemese tyıym salynǵan jerlerde sýǵa túsýden bolady. Qutqarýshylar jaǵajaıda da qaýipsizdik erejelerin umytpaǵan jón dep keńes berip otyr.
