Almaty oblysynda jyl basynan beri 546 ret tótenshe jaǵdaı boldy – vıtse-mınıstr

QONAEV. QazAqparat - Búgin Tótenshe jaǵdaılar jónindegi birinshi vıtse-mınıstr Ibragım Kúlshimbaev Almaty oblysynyń turǵyndarymen kezdesti, dep habarlaıdy QazAqparat tilshisi Almaty oblysynyń TJD baspasóz qyzmetine silteme jasap.

Kezdesý onlaın rejımde ótti. Vıtse-mınıstr jurtshylyqty mınıstrliktiń jyl basynan bergi qyzmetiniń qorytyndylary týraly egjeı-tegjeıli habardar etti.

«Óńirdegi jaǵdaı turaqty. Esepti kezeńde tótenshe jaǵdaılar sany 11,2%-ǵa azaıdy, 546 jaǵdaı tirkeldi, qaza bolǵandar sany 45,9%-ǵa azaıdy. Jalpy 4752 shyǵý júzege asyryldy, 114 adam qutqaryldy jáne 206 adam evakýatsııalandy», - dedi Ibragım Kúlshimbaev.

Vedomstvonyń málimetinshe, óńirde 1 qazannan bastap jylytý kezeńi bastaldy. Barlyǵy 269 190 turǵyn úı esepke alyndy, onyń ishinde áleýmettik osal toptaǵy halyq sany - 6 032.

«Áleýmettik tapsyrys sheńberinde oblys halqynyń áleýmettik osal toptarynyń 1492 úıinde 926 kómirtegi totyǵyn anyqtaý datchıgi jáne 566 tútin detektory ornatyldy, sondaı-aq 146 úıdiń peshteri jóndeldi jáne 84 úıge elektrmen jabdyqtaýdy jóndeýge kómek kórsetildi»,- dep habarlady Almaty oblysynyń tótenshe jaǵdaılar departamentiniń baspasóz qyzmeti.