Almaty oblysynda jyl basynan beri 4 tonnadan asa esirtki tárkilengen
TALDYQORǴAN.QazAqparat - Almaty oblysynda kóligine iri kólemde esirtki jasyrǵan turǵyn ustaldy. 36 jastaǵy kólik júrgizýshisin polıtseıler «Almaty-Bishkek» tasjolynyń 59 shaqyrymynda ornalasqan baqylaý beketinde tekserý barysynda qolǵa túsirgen, dep habarlaıdy QazAqparat tilshisi.
Kólikte jasyrylǵan esirtki arnaıy úıretilgen qyzmettik ıttiń kómegimen tabyldy.
«5 keli 360 gramm gashısh kóliktegi oryndyqtyń astyna jasyrylǵan. «Mersedes-Sprınter» kóliginiń júrgizýshisi ustalyp, Jambyl aýdandyq ІІB-de qamaýǵa alyndy. Qazir kúdikti esirtkini qaı jerge jetkizbek bolǵany anyqtalyp jatyr», - dep málimdedi ІІD baspasóz qyzmeti.
Qazir osy faktige sáıkes QR QK 296 babynyń 4 tarmaǵyna oraı sotaldy tergeý bastaldy. Al ustalǵan kúdikti Talǵar aýdanynyń turǵyny ekeni anyqtaldy.
Polıtseılerdiń málimetinshe, jyl basynan beri Almaty oblysynda 4 tonnadan asa esirtki tárkilengen. Onyń 1 kelisi geroın bolsa, 15 keliden astamy gashısh.
