Almaty oblysynda jyl basynan beri 176 adam jol apatynan mert bolǵan
TALDYQORǴAN. QazAqparat - Almaty oblysynda alty aıda 176 adam jol apatynan kóz jumǵan, dep habarlaıdy QazAqparat Polisia.kz resýrsyna silteme jasap.
Almaty oblysynyń polıtsııa qyzmetkerleri «Qaýipsiz jol» jedel aldyn alý sharasynyń aıasynda halyqqa áleýmettik jeli men BAQ arqyly aqparat taratyp, jolda abaı bolý kerektigin eskertip otyr.
Quqyq qorǵaýshylardyń aıtýynsha, bul óńir joldaryndaǵy tártipti jaqsartyp, jol apatynyń sanyn azaıtady.
«Shara barysynda apatqa alyp keletin jol qozǵalysy erejesin óreskel buzý faktilerin anyqtaý maqsatynda reıd ótkizip jatyrmyz. Sondaı-aq polıtseıler túsindirý jumysyn qolǵa alyp, kólik ıeleri men jaıaý júrginshilerge jol erejesin saqtaýdyń mańyzy jaıly broshıýra taratyp júr», - dep atap ótti Almaty oblysy PD jergilikti polıtsııa qyzmeti basqarmasy bastyǵynyń orynbasary Aıdos Júnisov.
Resmı málimetke súıensek, jyl basynan beri oblys joldarynda 1056 jol apaty bolǵan. Onda 176 adam qaza taýyp, 1598 jolaýshy men júrgizýshi jaraqat aldy.
Aıta keteıik, «Qaýipsiz jol» sharasy 15 shilde men 14 tamyz aralyǵyn qamtıdy.
