Almaty oblysynda júz jasaǵan 60 áje turady
TALDYQORǴAN. QazAqparat - Almaty oblysynda ǵasyr jasaǵan 60 aqjaýlyqty áje turady, dep habarlaıdy QazAqparat tilshisi.
8 naýryz halyqaralyq áıelder kúni qarsańynda uzaq jasaǵan názik jandylarǵa qurmet kórsetilmek. 60 keıýananyń ishinde eń úlkenderi Raıymbek aýdanynyń úlesinde. Shálkóde aýylynyń turǵyny Týrahan Ábdibaeva113 jasqa kelse, 112 jastaǵy Sulýhan Baıatova Qarasaz aýylynan. Dál osy Raıymbek aýdany uzaq jasaıtyn analar sanymen de kósh bastap tur. Oblys ortalyǵy Taldyqorǵan qalasynda turatyn qart analar qurdas bolyp shyqty. Kúlánda Myqtybaeva men Zylıha Qojkenova 104 jasta.
Almaty oblystyq ishki saıasat basqarmasynyń basshysy Rýstam Alpysbaevtyń aıtýynsha, tizimdegi barlyq aq jaýlyqty analardy oblys, aýdan jáne qala basshylary quttyqtaıtyn bolady.
