Almaty oblysynda júz keliden astam marıhýana jasyrylǵan qupııa jer tabyldy
TALDYQORǴAN. 16 qyrkúıek. QazAqparat - Almaty oblysynda esirtki saqtaǵan degen kúdikpen qamaýǵa alynǵan adam polıtseılerge 110 keliden artyq marıhýana jasyrylǵan jerdi kórsetti.
110 keliden astam keptirilmegen esirtki Qarasaı aýdanynyń saıajaı qoǵamynyń biriniń aýmaǵynan tabyldy.
Osyǵan deıin er adam 90 keli marıhýana saqtaǵany úshin ustalǵan. Tergeý barysynda kúdikti esirtki bıznesine qarsy kúres basqarmasynyń qyzmetkerlerine «shron» jasyrylǵan jerdi kórsetetinin aıtqan. Tergeýge alynǵan kúdiktiniń nusqaý bergen jerine baryp teksergen polıtseıler kepeniń astynan tereń qazylǵan jerden esirtki zattaryn tapqan.
Kúdikti Qarasaı aýdandyq ishki ister bóliminiń baqylaýynda. Tergeý jalǵasyp jatyr.
