Almaty oblysynda júrgizýshi 6 keli gashıshpen ustaldy
Almaty oblystyq Polıtsııa departamenti baspasóz qyzmetiniń málimetinshe, Almaty oblystyq PD Esirtki bıznesine qarsy kúres basqarmasynyń qyzmetkerleri Kóksý APB jedel ýákilderimen birlese arnaıy operatsııa ótkizgen. Sonyń barysynda 7 qyrkúıek kúni saǵat 22:15 shamasynda «Almaty-Óskemen» avtojolynyń 241-shaqyrymynda Taldyqorǵan qalasynyń 53 jastaǵy turǵynynyń basqarýyndaǵy «Toıota Kamrı» avtokóligin toqtatqan. Kólikti tekserý kezinde qyzmettik-izdestirý ıti jolaýshylar otyratyn artqy esikterdiń qaptamasynan ósimdik tektes zat salynǵan oramany tapqan. Sonymen qatar, tártip saqshylary ustalǵan azamattyń qaltasynan kýágerlerdiń qatysýymen gashıshke uqsas zat aldy. Saraptama qorytyndysyna sáıkes, tárkilengen zattyń jalpy salmaǵy 5 kg 948 gramdy qurap otyr. Ol gashısh esirtki zaty ekeni anyqtaldy.
Kúdikti ýaqytsha ustaý oqshaýlaǵyshyna qamaqqa alyndy. Atalǵan derek QR QK 296-baby, 4-bóligi («Asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý») boıynsha tergelýde.
