Almaty oblysynda jumysshylar eki aı boıy jalaqy almaǵan

TALDYQORǴAN. QazAqparat - Almaty oblysynda jumysshylar eki aı boıy jalaqy almaǵan. «Panfılov Sý qubyry» MKK 125 qyzmetkerine 6 524 430 teńge bereshegi bar ekeni anyqtaldy, dep QazAqparat tilshisi.

Panfılov aýdanynyń prokýratýrasy eńbek zańnamasynyń saqtalýy, sondaı-aq qadaǵalaý aýmaǵynda jalaqy qaryzynyń bolýy máselesine taldaý jasady. Zańnama talaptary oryndalmaǵandyqtan 125 azamattyń konstıtýtsııalyq quqyǵy buzylǵan.

Aýdandyq prokýratýra tarapynan Almaty oblysy boıynsha eńbek ınspektsııasyna zańbuzýshylyq faktilerdi joıý týraly usynys engizildi. Quzyrly organnyń qadaǵalaý aktisin qaraý nátıjesimen kásiporyn dırektory ákimshilik jaýapkershilikke tartyldy. Qazirge ýaqytta, mekemeniń jumysshylarynyń aldyndaǵy qaryzy tolyǵymen tólendi.