Almaty oblysynda jumyspen qamtý ortalyǵynyń dırektory birneshe ret para alǵan

TALDYQORǴAN. QazAqparat - Jambyl aýdany ákimdigine qarasty Halyqty jumyspen qamtý ortalyǵynyń dırektory birneshe ret para aldy degen kúdikke ilindi, dep habarlaıdy QazAqparat Sybaılas jemqorlyqqa qarsy is-qımyl agenttigine silteme jasap.

Almaty oblysynyń sybaılas jemqorlyqqa qarsy qyzmeti «Almaty oblysy Jambyl aýdany ákimdiginiń halyqty jumyspen qamtý ortalyǵy» KMM dırektoryna qatysty júıeli negizde para aldy degen kúdik boıynsha sotqa deıingi tergeýdi bastady.

«Ortalyq dırektory «Jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan memlekettik baǵdarlamasy» boıynsha nesıe alýǵa kómek kórsetkeni úshin kásipkerlerden 50 myńnan 200 myń teńgege deıin para aldy degen tórt fakti negizinde kúdikke ilinip otyr.

Sheneýnikke qatysty protsessýaldyq ustaý onyń kinásin moıyndaýyna jáne kúdiktiniń men qorǵaýshysynyń protsessýaldyq kelisimi týraly ótinishhatyna baılanysty qoldanylǵan joq», delingen habarlamada.

Agenttik baspasóz qyzmetiniń habarlaýynsha, kúdiktige qatysty túpkilikti sheshimdi onyń kinásiniń deńgeıin anyqtaý arqyly sot qabyldaıdy.