Almaty oblysynda jumyrtqa baǵasyn negizsiz ósirgen eki qus fabrıkasy tekseriledi
QONAEV. QazAqparat - Básekelestikti qorǵaý jáne damytý agenttiginiń Almaty oblysy boıynsha departamenti óńirdegi eki qus fabrıkasynda tekserý júrgizedi, dep habarlaıdy QazAqparat.
Departament qańtar-qazan aılarynda Almaty oblysy boıynsha 1 sanatty taýyq jumyrtqasyn bastapqy satý naryǵyn taldaǵan.
Onyń qorytyndysy boıynsha «Alsad Qazaqstan» JShS jáne «Sary-Bulaq» JShS is-áreketinde Qazaqstannyń monopolııaǵa qarsy zańnamasy, atap aıtqanda básekege qarsy kelisilgen is-qımyldar bóliginde baǵa belgileý jáne qoldaý talaptaryn buzý belgileri anyqtaldy.
Osyǵan baılanysty mekeme seriktestikterdiń atyna habarlama jiberdi.
Alaıda olar habarlamany oryndamaǵan, osyǵan baılanysty departament joǵaryda atalǵan kompanııalarǵa qatysty tergeý bastady.
