Almaty oblysynda júk poıyzy 14 qoıdy basyp ketti
ALMATY OBLYSY. QazAqparat – Kólik polıtsııasy temir joldyń boıynda qoıyn jaıǵany úshin Almaty olysynyń 51 jastaǵy turǵynyn ákimshilik jaýapkershilikke tartty, dep habarlaıdy QazAqparat tilshisi.
«Qopa-Jırenaıǵyr» aralyǵynda júk poıyzynyń mashınsi temir jol boıynda bir otar qoıdyń jaıylyp júrýine baılanysty shuǵyl tejegishti iske qosty. Biraq, 14 qoıdy basyp ketti. Poıyz 9 mınýt turyp qaldy», - dedi Kóliktegi polıtsııa departamenti bastyǵynyń mindetin atqarýshy Saryqul Jolanov.
Onyń aıtýynsha, Shamalǵan stansasyndaǵy jelilik polıtsııa bólimshesi qyzmetkerleriniń jedel izdestirý is-sharasy barysynda qoıdyń ıesi Almaty oblysynyń 51 jastaǵy turǵyn ekendigi anyqtaldy.
«Atalǵan azamat QR Ákimshilik quqyq buzýshylyq kodeksiniń 559-baby 1-tarmaǵy boıynsha ákimshilik jaýapkershilikke tartyldy. Onyń ústinen ákimshilik hattama toltyryldy», - dedi polıtsııa polkovnıgi.
Aıta ketsek, osy jyldyń qańtar aıynda poıyzdyń shuǵyl toqtaýynyń 145 faktisi tirkeldi. Onyń 37-si temir jol boıynda adamdardyń júrýine jáne 108-i maldyń jaıylýyna baılanysty oryn aldy.
