Almaty oblysynda júk poıyzy 120 qoıdy basyp ketti
«Aǵymdaǵy jylǵy 12 qyrkúıek kúni saǵat 01.24-te Almaty oblysynyń «Jetigen-Qurózek» aralyǵynda júk poıyzynyń mashınısi temir joldan ótip bara jatqan bir otar qoıdy baıqap, shuǵyl tejegishti basty. Alaıda, qaqtyǵystyń aldyn alý múmkin bolmady, sonyń saldarynan 530 bas qoıdyń 123-i poezd astyna túsip, óldi. Poıyz 13 mınýt kidirdi», - dedi Kóliktegi polıtsııa departamentiniń bastyǵy Ońal Bekeev.
Onyń aıtýynsha, oqıǵa ornyna Altynkól stantsııasyndaǵy Jelilik polıtsııa bólimshesiniń qyzmetkerleri birden jetip, júrgizilgen is-sharalar barysynda maldyń ıesin anyqtady. Ol Almaty oblysy Týǵanbaı aýylynyń 36 jastaǵy turǵyny bolyp shyqty.
«Atalǵan azamat QR ÁQBtK 559-babynyń 1-bóligi, ıaǵnı temirjoldardyń bólingen jolaǵynda mal jaıý qaǵıdalaryn buzý boıynsha ákimshilik jaýapkershilikke tartyldy», - dedi polıtsııa general-maıory.
Vıdeodan alynǵan kadr