Almaty oblysynda júk kóligi shatqalǵa túsip, er adam mert boldy

TALDYQORǴAN. QazAqparat – Almaty oblysynda júk kóligi shatqalǵa túsip, bir adam mert boldy, dep habarlaıdy QazAqparat tilshisi.

«9 sáýirde saǵat 15:30-da Almaty oblystyq tótenshe jaǵdaılar departamentine Eskeldi aýdanynda «Sherqasaı» shatqalyna taýdaǵy joldan «Gaz-66» avtokóligi aýdarylyp túskeni týraly habar jetken. Oqıǵa saldarynan 1969 jylǵy er adam sol jerde qaza taýyp, 1990 jylǵy azamat jaraqat alǵan», - dedi Almaty oblystyq TJD baspasóz qyzmetinen.

Almaty oblystyq TJD Jedel-qutqarý jasaǵynyń qutqarýshylarynyń (5 qyzmetker men bir tehnıka), eriktilerdiń (10 adam men 2 tehnıka) kómegimen shatqaldan qaza tapqan júrgizýshiniń máıiti shyǵaryldy.

Elaman Turysbekov