Almaty oblysynda júk kóligi qaǵyp, mert bolǵan er adamnyń kim ekeni belgisiz
TALDYQORǴAN. QazAqparat - Almaty oblysynda er adamdy júk kóligi qaǵyp, ol alǵan jaraqatynan oqıǵa ornynda kóz jumdy, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, er adamnyń jeke basyn tártip saqshylary anyqtap jatyr.
«13-qazan kúni saǵat 16:45 shamasynda 59 jastaǵy Almaty qalasynyń turǵyny jaıaý júrginshini qaǵyp ketti. Jábirlenýshi alǵan jaraqaty saldarynan oqıǵa ornynda mert boldy»,- delingen vedomstvonyń habarlamasynda.
Oqıǵa Gúldala aýylyna kire beris jerde bolǵan.
«Atalǵan fakti QR QK 345 babv 3 bóligi boıynsha tirkeldi. Júrgizýshi qamaýǵa alyndy. Tergeý júrip jatyr»,- dep tolyqtyrdy atalǵan vedomstvonyń baspasóz qyzmetinen.
