Almaty oblysynda júk kóligi 81 jastaǵy keıýanany qaǵyp óltirdi
ALMATY OBLYSY. QazAqparat – Almaty oblysynyń Baıserke kentinde 81 jastaǵy keıýanany kólik qaǵyp óltirdi, dep habarlaıdy QazAqparat tilshisi.
Jol-kólik oqıǵasy ornynan túsirilgen vıdeo áleýmettik jelide taraǵan.
Almaty oblysynyń polıtsııa departamenti jol-kólik oqıǵasy 2 qazan kúni 10:05 shamasynda Іle aýdanynda bolǵanyn habarlady.
«Iveko Magirus» markaly kóliktiń 38 jastaǵy júrgizýshisi Baıserke kentiniń Shkolnaıa kóshesimen kele jatyp, belgilenbegen orynda joldan ótip bara jatqan 81 jastaǵy áıeldi qaǵyp ketken.
Keıýana oqıǵa ornynda kóz jumdy.
«JKO faktisi QR QK 345-baby 3-tarmaǵy (Abaısyzda adam ólimine ákep soqqan jol qozǵalysy erejelerin buzý) boıynsha qylmystyq is qozǵalyp, Іle APB-nyń sotqa deıingi tergep-tekserýdiń biryńǵaı tizilimine tirkeldi. Atalǵan fakti boıynsha qajetti saraptamalar taǵaıyndaldy», - dep habarlady Almaty oblysynyń PD baspasóz qyzmeti.
