Almaty oblysynda joldan tabylǵan balaǵa baılanysty polıtsııa pikir bildirdi
TALDYQORǴAN. QazAqparat - Almaty oblysynda joldan tabylǵan balaǵa baılanysty polıtsııa pikir bildirdi, - dep habarlaıdy QazAqparat tilshisi.
«Joldan tabylǵan bala boıynsha mán-jaı anyqtalyp jatyr. Onyń ata-anasyna qoldanylatyn shara boıynsha aqparat beriledi», - delingen Almaty oblystyq Polıtsııa departamenti baspasóz qyzmetiniń málimdemesinde.
Esterińizge sala keteıik, búgin belgisiz er azamat joldyń boıynan kishkentaı ul balanyń júrgenin baıqap, ony beınejazbaǵa túsirip, ata-anasyn tabýǵa kómek suraǵan bolatyn.
«Aqshı baza jaqtan kele jatyrmyn. Jolda kele jatyp, trassadan bala taýyp aldym», - deıdi beınejazba avtory balany kórsete otyryp.
Sondaı-aq ol baladan ata-anasynyń qaıda ekenin suraıdy.
«Ana jaqta», - dep bala jaýap beredi.
Biraq beınejazbada jaqyn mańda eshkimniń kórinbeıtinin baıqaýǵa bolady.
