Almaty oblysynda joldan ótpek bolǵan qyzdyń aıaǵy asfaltqa jabysyp qaldy
TALDYQORǴAN. QazAqparat - Almaty oblysynda qyzdyń aıaǵy asfaltqa jabysyp qaldy. Osy sátti kýágerler vıdeoǵa túsirip úlgergen. Bul jaǵdaı Alakól aýdanyndaǵy Úsharal qalasynda bolǵan, dep habarlaıdy QazAqparat tilshisi.
Alakól aýdandyq Jolaýshylar kóligi jáne avtomobıl joldary bóliminiń basshysy Maqsat Julqaınarovtyń aıtýynsha, mundaı keleńsiz jaǵdaı aınalma joldyń joqtyǵynan bolǵan.
«Úsharal qalasyndaǵy Jalby bı kóshesinde jolǵa jóndeý jumystary júrgizilip jatyr. Asfalt tóseý jumystaryn atqarý barysynda keleńsiz jaǵdaı boldy. Sebebi, sol joldyń bóliginde aınalma jol qarastyrylmaǵan. Qazir qaýipsizdik sharalary saqtalyp, jumystar kestege sáıkes júrip jatyr»,- dedi Maqsat Julqaınar.
Jolǵa jóndeý jumystaryn júrgizip jatqan «Alakól joldary» seriktestigi. Qazir qyz balanyń aıaǵy asfaltqa jabysyp, júre almaı turǵan sáttegi beınejazba áleýmettik jeli arqyly keńinen taralýda. Al joldyń sapasyn qatań baqylaýda ustaımyz degen sheneýnikter, endi mundaı jaıt qaıtalanbaıdy dep otyr.
Eskertý: vıdeoda beıádep sózder aıtylady.
