Almaty oblysynda jolda qalǵan 16 adam qutqaryldy
TALDYQORǴAN.QazAqparat - Taldyqorǵan-Qapal tas jolynda qarly boran saldarynan jolda qalǵan 16 adam qutqaryldy, dep habarlaıdy QazAqparat tilshisi.
«2019 jyldyń 6 aqpanynda 07 saǵat 30 mınýtta Almaty oblysy TJD jedel-qutqarý jasaǵynyń kezekshilik dıspetcherlik bólimshesine adamdardyń jolda qalǵandyǵy jóninde habarlama kelip tústi. Oqıǵa «Taldyqorǵan - Qapal» tas jolynyń Kóshkental aýyly mańynda bolǵan. Aýa raıynyń kúrt buzylýy saldarynan jolaýshylar qar qursaýynda jeńil kóliktermen turyp qalǵan», dep málimdedi oblystyq TJD-niń baspasóz qyzmetinen. 
Tótenshe jaǵdaı ornyna 07 saǵat 35 mınýtta shuǵyl kómek kórsetýge Almaty oblystyq TJD Jedel qutqarý jasaǵynyń 5 qutqarýshysy jáne 1 Kamaz-Nefaz avtokóligi shyqty. Nátıjesinde qar qursaýynan jasaqtyń qutqarýshylarymen 16 adam, onyń ishinde 3 bala qutqarylyp, 5 avtokólik qaýipsiz jerge evakýatsııalandy. Qutqarylǵandardyń arasynda úsip qalǵandar men zardap shekkender joq.
