Almaty oblysynda jolda qalǵan 15 júk kóligi men onyń jolaýshylary qutqaryldy
TALDYQORǴAN. QazAqparat - Almaty oblysynda jolda qalǵan 15 júk kóligi men onyń jolaýshylary qutqaryldy. Oqıǵa respýblıkalyq Úsharal-Dostyq jolynda boldy, dep habarlaıdy QazAqparat tilshisi.
Qazir atalǵan ýchaskede jol jabyq. Boran soǵyp, jol kórinbeıdi. Almaty oblystyq TJD baspasóz qyzmetiniń málimetinshe, jolda qalǵan kólikter Dostyq beketinen shyǵyp Úsharalǵa qaraı bara jatqan.
«Olar jol jabylmaı turyp, shyǵyp ketken. Aýa-raıynyń qolaısyzdyǵyna baılanysty 29 qańtar kúni saǵat 22:30 Úsharal- Dostyq baǵytyndaǵy trassa jabyldy, onda barlyq kólik túrine júrýge bolmaıdy. Búgin 30 qańtar kúni jolda qalǵan 15 júk kóligi jáne kólik salonyndaǵy 20 adam qar qursaýynan shyǵaryldy. Zardap shekkender joq»,- delingen TJD baspasóz qyzmetiniń habarlamasynda.
Atalǵan vedomstvonyń ókilderi, júrgizýshilerge jolǵa shyqpas buryn eskertý habarlamalarǵa qulaq asyp, aýa-raıy boljamymen tanysyp alýdy suraıdy. Sonymen qatar, jolda qalǵan jaǵdaıda 112 nomerine qońyraý shalý kerektigin eske salady.
