Almaty oblysynda jolaýshysy bar avtobýs poıyzben soqtyǵysa jazdady
TALDYQORǴAN. QazAqparat - Almaty oblysyndaǵy Shymalǵanda lokomotıv brıgadasy jolaýshylar otyrǵan avtobýsty apattan qutqaryp qaldy, dep habarlaıdy QazAqparat «Qazaqstan temir joly» UK» AQ baspasóz qyzmetine silteme jasap.
Almaty lokomotıv paıdalaný deposynyń lokomotıv brıgadasy Almaty-Otar teliminde jolaýshylar avtobýsymen soqtyǵysyp qala jazdady. Mashınısterdiń shuǵyl tejegishti basyp toqtatýynyń nátıjesinde, Almaty-Qaskeleń baǵdarynda kele jatqan avtobýs toly jolaýshylar apattan aman qaldy. Shymalǵan stantsııasynyń mańynda temirjol ótkeliniń jabyq bolǵanyna qaramastan, avtobýs júrgizýshisi saparyn jalǵastyra bergen.
«Men joldan avtobýsty kórgen boıda belgi berdim. Biraq ol eshqandaı dybysqa nazar aýdarmady. Amalsyzdan shuǵyl tejegishti basyp, jyljymaly quramnyń tolyq toqtaýyna májbúr ettim. Poıyz avtobýsqa 500 metrdeı jerge toqtady. Baqytymyzǵa oraı, barlyǵymyz da aman qaldyq. Avtobýstaǵy jolaýshylar da aman»,-deıdi mashınıst Janat Quldarov.
Almaty jol bólimshesiniń habarlaýynsha, mashınıst pen onyń kómekshisiniń kásibı biliktiligi men qıyn sátte shuǵyl sheshim qabyldaýy aýyr tragedııalyq jaǵdaıdan saqtady.
Atalmysh jol ótkeline shlagbaým ornatylǵan. Dybystyq jáne jaryq berý qondyrǵylary bar. Solaı bola tura, avtokólik júrgizýshileri qozǵalys qaýipsizdigi sharalaryna mán bermeıdi. Avtokólik júrgizýshileri temirjol boıy asa qaýipti aımaqqa jatatyndyǵyn qaperde ustaı bermeıdi.
