Almaty oblysynda jolaýshylar tasymaldaýshy 11 poıyz kestelerinen keshigýde
ASTANA. 24 maýsym. QazAqparat /Gúlmıra Álıakparova/ - Almaty oblysynda júk poıyzynyń bolat joldan shyǵyp ketýinen jolaýshylar tasymaldaýshy 11 poıyz qozǵalystaryn toqtatty.
Bul týraly «Qazaqstan temir joly» kompanııasynyń baspasóz qyzmetinen habarlady.
Málim bolǵandaı, 24 maýsym kúni túngi saǵat 1-den 45 mınýt ketkende Almaty-Otar ýchaskisinde №3401-shi júk poıyzynyń tirkemesindegi №28043701-shi vagonnyń búıir ramasynyń buzylýynan 9 vagon temir joldan shyǵyp ketken. QTJ-dan anyqtaǵandaı, vagondar 2010 jyly Altaı vagon qurastyrý zaýytynda shyǵarylǵan.
«Zardap shekkender joq. 460 metr jol zaqymdaldy. Qazir qalpyna keltirý jumystary júrgizilýde. Qazirgi ýaqytta jolaýshylardy tasymaldaýshy 11 poıyz kidirip tur», - delingen taratylǵan habarlamada.
