Almaty oblysynda jolaýshylar kólik júrgizýshisin qaýipsizdik beldigimen qylqyndyryp óltirmek bolǵan - ІІM
ASTANA. 20 shilde. QazAqparat /Marlan Jıembaı/ - Almaty oblysynda jolaýshylar kólik júrgizýshisin qaýipsizdik beldigimen qylqyndyryp óltirmek bolǵan. Bul týraly búgin elordada QR ІІM Memlekettik til jáne aqparat departamentiniń basshysy Nurdildá Oraz málim etti.
Onyń sózine qaraǵanda, ótken aptada Almaty oblysy Qarasaı aýdandyq ishki ister bóliminiń kezekshi bólimine qaraqshylyq shabýyl týraly habarlama túsken. Beıtanys jolaýshylar Aqjar kentinde «Mazda Ksedos» avtokóliginiń 20 jastaǵy júrgizýshisin beldikpen tunshyqtyrýǵa árekettengen.
«Júrgizýshi qarsylyq kórsetip, avtokólikti toqtatyp, qashyp úlgergen. Avtokólikti aıdap ketpek bolǵan qylmyskerler jol- kólik oqıǵasyna ushyrap, olardyń bireýi oqıǵa ornynda ustaldy. Qazirgi kezde ekinshi qylmyskerdi qolǵa túsirý sharalary júrgizilýde», - dedi ol.
