Almaty oblysynda jolaýshylar avtobýsy aýdarylyp qaldy
TALDYQORǴAN.QazAqparat - Almaty oblysynda jolaýshylar avtobýsy aýdarylyp, 29 adam dárigerdiń kómegine júgindi. Oqıǵa Іle aýdanyndaǵy Aşybulaq pen Batyr tas jolynyń boıynda bolǵan, dep habarlaıdy QazAqparat tilshisi.
«29 adam dárigerdiń kómegine júgingen. Onyń ishinde 10-y bala, 19-y eresek adam. Onyń úsheýi aýrýhanaǵa jatqyzyldy. Eki adam bas-mı jaraqatyn alǵan. Al bir áıeldiń aıaǵy aýyr. Ol túsik tastaý qaýpimen aýrýhanaǵa jatqyzyldy. Bes bala balalar aýrýhanasyna qosymsha tekserýge jiberildi», - dedi Almaty oblystyq densaýlyq saqtaý basqarmasynyń baspasóz hatshysy Láılim Áýbakirova.
Kýágerlerdiń aıtýynsha, avtobýs Almatydaǵy baraholka bazaryna jolaýshylar tasymaldaýmen aınalysady eken. Beıresmı málimet boıynsha, zardap shekken jolaýshylardyń basym bóligi bazarǵa balalaryna kıim alýǵa bara jatqan. Oqıǵa búgin tańerteńgi saǵat 10:00-der shamasynda bolǵan.
