Almaty oblysynda jolaýshylar avtobýsy aýdarylyp, 4 adam qaza tapty - TJM
ASTANA. Qańtardyń 7-si. QazAqparat - Almaty oblysynyń Jambyl aýdanynda jolaýshylar avtobýsy aýdarylyp, 4 adam qaza tapty.
Bul aqparatty QR Tótenshe jaǵdaılar mınıstrliginiń baspasóz qyzmeti taratyp otyr.
Vedomstvonyń habarlaýynsha, oqıǵa keshe Almaty-Bishkek avtojolynyń 107-shi shaqyrymynda oryn alǵan. Shymkentten Almatyǵa kele jatqan 53 jolaýshysy bar «Vanhool» avtobýsy jol jıegine shyǵyp ketip, aýdarylǵan. Apat saldarynan 4 jolaýshy oqıǵa ornynda mert bolǵan. Qalǵan jolaýshylar Jol polıtsııasy basqarmasynyń jedel toby kelgenshe óz betterimen Almaty qalasyna jetken.
