Almaty oblysynda jolaýshy áıeldi óltirgen taksıst 16 jylǵa sottaldy
TALDYQORǴAN. QazAqparat – Almaty-Óskemen tas jolynda jolaýshy áıeldi óltirgen taksıst 16 jylǵa sottaldy, dep habarlaıdy QazAqparat tilshisi.
Almaty oblystyq aýdanaralyq qylmystyq soty A. Qasymovany óltirgen qaskóıdi qylmystyq kodekstiń 2 baby boıynsha ıaǵnı, QR QK 99 (adam óltirý) jáne QR QK 188 (tonaý) baptary boıynsha kináli dep tanyp, 16 jylǵa bas bostandyǵynan aıyrdy. Endi qylmysker jazasyn qaýipsizdigi deńgeıi joǵary mekemede óteıtin bolady.
Esterińizge sala keteıik, 2019 jyldyń 14 maýsymynda A. Qasymova Almatydan Almaty oblysyndaǵy Aqsý aýdanyna barmaq bolyp, taksıge otyrǵan. Biraq, jábirlenýshi artynsha iz-túzsiz joǵalyp, jaqyndary onyń joǵalǵandyǵy jóninde Aqsý aýdandyq polıtsııasyna aryzdanǵan bolatyn. Anyqtalǵandaı, taksı júrgizýshisi A. Qasymovanyń tanysy bolyp shyqty. Ol A. Qasymovanyń qarajaty bar ekenin sezip, onyń dittegen jerine aparýǵa usynys tastap, jolda ony tonap, óltirip ketken.
16 jylǵa sottalǵan qylmysker Almaty qalasynyń turǵyny.
