Almaty oblysynda jol jóndeýge bólingen 93 mln teńgeni jymqyrǵandar sottaldy
«2021 jyldyń 29 maýsymy kúni Almaty oblysy Eskeldi aýdandyq sotynyń úkimimen kelesi tulǵalar kináli dep tanylyp, sottaldy: «Qaratal aýdanynyń jolaýshylar kóligi jáne avtomobıl joldary bólimi» MM basshysy R. Alııanov, (QK 189-baby 4-bóliginiń 2-tarmaǵy, 369-baby 1-bóligi) 7 jyl 3 aıǵa bas bostandyǵynan aıyrý, ómir boıy memlekettik qyzmette belgili bir laýazymdardy atqarý quqyǵynan aıyrý;
- «Almaz-M» JShS dırektory D. Mýsaev (QK 189-baby 4-bóligi 2-tarmaǵy, 385-baby 1-bóligi) 7 jylǵa 3 aıǵa bas bostandyǵynan aıyrý;
- Tehnıkalyq qadaǵalaý – «Kravınjınırıng» JShS V. Krýtıkov (QK 28-baby, 5-bóligi, 189-baby 4-bóligi 2-tarmaǵy) 7 jyl bas bostandyǵynan aıyrý túrindegi deformatsııany kórsetip otyr»,- delingen Sybaılas jemqorlyqqa qarsy is-qımyl agenttigi Almaty oblysy boıynsha departamentiniń resmı jarııalaǵan habarlamasynda.
Vedomstvonyń aqparatyna sáıkes, sottalǵandar Úshtóbe qalasyndaǵy Tóle bı kóshesin kúrdeli jóndeýge bólingen qarjyny jymqyryp qalýdy kózdegen.
«Olar 2018 jyldyń mamyr-jeltoqsan aılary aralyǵynda oryndalǵan jumystardyń №2 jáne №3 aktilerine «Qaratal aýdany Úshtóbe qalasy Tóle bı kóshesin kúrdeli jóndeý» obektisi boıynsha qurylys-montajdaý jumystaryn júzege asyrý kezinde olardyń naqty mazmunyn burmalaıtyn jalǵan málimetter engizý arqyly jalpy somasy 93 111 040 teńgege bıýdjet qarajatyn jymqyrdy dep kúdik keltirilgen»,- dep tolyqtyrdy atalǵan vedomstvonyń baspasóz qyzmeti.