Almaty oblysynda jol ústinde kókpar tartqan 8 adam jazalandy
TALDYQORǴAN. QazAqparat - Almaty oblysynyń polıtsııasy avtojol ústinde kókpar tartqan 8 adamdy jaýapkershilikke tartty, dep habarlaıdy QazAqparat tilshisi.
Áleýmettik jelilerdi turaqty monıtorıngileý barysynda Qarasaı aýdanyndaǵy avtojol boıynda bir top adamnyń at báıgesin uıymdastyrǵan beınejazbasy anyqtaldy.
Beınejazbada 20-30 adamnan quralǵan top jol qaýipsizdigi men qoǵamdyq tártipti óreskel buza otyryp, «Almaty-Bishkek» avtojoly boıynda, Qarasaı aýdanynyń Bulaqty aýylynyń mańynda ruqsatsyz kókpar uıymdastyrǵan.
Polıtsııa qyzmetkerleri jolda jarys uıymdastyrýshylardy anyqtaý jáne olardy jaýapkershilikke tartý boıynsha tıisti sharalardy qabyldady.
Nátıjesinde kókpar uıymdastyrǵan jáne ony tartýǵa atsalysqan Bulaqty kentiniń segiz jergilikti turǵyny ustaldy.
Barlyq atalǵan tulǵalar QR Ákimshilik quqyq buzý kodeksiniń 434-babynyń 1-bóligine sáıkes «usaq buzaqylyq» deregi boıynsha ákimshilik jaýapkershilikke tartyldy.
